Маладзёжная этнавечарынка "Вясковыя агледзіны" прайшла ў Полацкім раёне

Трэці год запар у Полацкім раёне праходзяць маладзёжныя этнавечарынкі, якія ладзіць ДУК “Полацкі раённы Цэнтр культуры” пры падтрымцы аддзела культуры Полацкага райвыканкама. Спачатку у аграгарадку Гараны выбіралі лепшую нявесту, летась – самага зайздроснага жаніха. У гэтым годзе ў Фарынаўскі Цэнтр культуры і вольнага часу з’ехаліся маладыя хлопцы і дзяўчаты з розных куткоў Полаччыны, каб паўдзельнічаць у “Вясковых агледзінах”. Нашы продкі таксама любілі падобныя вячоркі, якія давалі ім магчымасць не толькі цікава правесці вольны час доўгімі зімовымі вечарамі, але і, мажліва, знайсці сабе суджанага ці суджаную.

Каб прадэманстраваць свае лепшыя якасці моладзі прыйшлося прайсці шэраг іспытаў. Хлопцы спрачаліся ў народных спаборніцтвах "Майстравая слабада": біліся мяшкамі на лаўцы, спрабавалі зрабіць кошык для абранніцы, прайшлі выпрабаванні на моц і спрыт.  

Дзяўчаты таксама не сумавалі: рыхтавалі пасаг у ан-лайн рэжыме, варажылі на суджанага і спаборнічалі ў дзявочых забаўлянках. Усе разам удзельнічалі ў майстар-класе па побытавых танцах ад народнага фальклорнага ансамбля "Галасы спадчыны" Багатырскага СДК, частаваліся смачнымі пірагамі і падпявалі ансамблю "Фярцінка". А напрыканцы зышліся ў танцавальным батле “Сценка на сценку” – дзяўчаты супраць хлопцаў.  Нават гледачам старэйшага пакалення цяжка было ўсядзець на месцы!

"Куток нявесты" з вясельным убраннем, створаны майстрамі Полацкага раённага Цэнтра рамёстваў і нацыянальных культур, надаваў неабходны святочны каларыт.

Разынкай свята сталі конкурсы на лепшае святочнае ўпрыгожванне для дзяўчат "Прыгажосць па-беларуску” і на лепшы святочны галаўны ўбор для хлопцаў «Мода ад народа». Журы ў складзе старшыні Фарынаўскага сельвыканкама Далгаполавай Н.В., загадчыка ДУА “Фарынаўскі яслі-сад Полацкага раёна” Жахоўскай Т.В. і кіраўніка народнага фальклорнага калектыву “Галасы спадчыны” Стараннік Т.С. прыйшлося нялёгка. Кожны ўдзельнік спрабаваў уразіць чымсьці асаблівым.

На капялюшы Аляксандра Сушчыка з Гаран размясціўся сапраўдны халасцяцкі набор у выглядзе патэльні з яечняй ды іншых мужчынскіх прысмакаў. Дзмітрый Шаўкун родам з бярозавага краю –  аг. Гомель Завозерскага сельсавета, таму і яго капалюш адлюстроўваў любоў да найпрыгажэйшай прыроды роднай мясціны. Бясспрэчным пераможцам сярод хлопцаў стаў Скітаў Павел. Ён прыехаў з аг. Кушлікі ў арыгінальным галаўным ўборы, на якім красавалася постаць дзяўчыны. "Што на галаве - тое і ў галаве!" – пракаменцірваў хлопец свой знешні выгляд.

Дзяўчаты ў сваю чаргу стараліся прыцягнуць погляды маладых людзей і пакарыць журы прыгожымі пацеркамі, вянкамі, завушніцамі, зробленымі ўласнаручна. Рознакаляровы вяночак і абаянне прынеслі Панамаровай Ірыне з аграгарадка Рудня дыплом 1 ступені. Усе пераможцы тэматычных конкурсаў атрымалі прызы ад аддзела культуры і Полацкага РЦК.

Галоўнымі ж падарункамі для ўсіх удзельнікаў сталі яскравыя ўсмешкі, цудоўны настрой, запал бадзёрасці ад народных гульняў і танцаў, ну і, канешне ж, новыя знаёмствы.

Этнафэст "Жывая даўніна" ўпершыню адбыўся ў Полацкім раёне

24 лістапада ў Полацкім раённым Цэнтры культуры ўпершыню адбыўся раённы этнафэст “Жывая даўніна” ў рамках Года малой радзімы, які прайшоў пры падтрымцы аддзелаў культуры, ідэалагічнай работы і па справах моладзі Полацкага райвыканкама, ПРА Беларускі прафсаюз работнікаў культуры, інфармацыі, спорту і турызму, ПРА ГА “БРСМ”, УВП “Полацкі малочны камбінат”.

Этнафэст стаў сапраўдным святам беларускай традыцыйнай культуры і сямейнага дабрабыту. На першым паверсе гасцей сустракалі легенды “Полацкай Гранд-батлейцы”, на другім – разгарнулася выніковае мерапрыемства праекта “Цікавае падарожжа Надзейкі. Малая радзіма пачынаецца з сям’і”, а ў глядацкай зале можна было падтрымаць удзельнікаў турніру народных танцаў.

Падрабязнасці “Цікавых падарожжаў Надзейкі” па Полацкім раёне  ўвайшлі ў зборнік, які быў прэзентаваны падчас этнафэста. Сем’і-ўдзельнікі праекта з Экіманскага, Фарынаўскага, Ветрынскага, Палатоўскага, Баравухскага, Зялёнкаўскага, Саланіцкага, Гаранскага сельсаветаў падрыхтавалі выставу-дэгустацыю аўтэнтычнай кухні “Дзіўны смак сямейных страў”.

У турніры народных танцаў прынялі ўдзел 22 пары з Полацку, Полацкага і Віцебскага раёнаў. Яны спрачаліся ў майстэрстве выканання такіх танцаў, як кракавяк, лысы і падэспань.

Падрыхтавалі цікавыя майстар-класы і прапанавалі гледачам адправіцца ў фольк-вандроўку калектывы-госці:

- фальклорны гурт “Варган” ДУ “Полацкі дзяржаўны ўніверсітэт” (кір. В. Емяльянчык),

- народны гурт архаічных спеваў “Княжыч” Цэнтра рамёстваў і традыцыйнай культуры г. Наваполацка (кіраўнік Васіленка К.),

- аматарскае фальклорнае аб’яднанне “Жывая спадчына” ДУК “Віцебскі раённы цэртр культуры і творчасці” (кір. М.Яско).

Народны фальклорны калектыў “Галасы спадчыны” Багатырскага СДК (кір. Стараннік Т.) акрамя танцавальнага майстар-класу прадэманстраваў спеўную традыцыю выканання жніўных і купальскіх песень “у перахлёст”, якой у 2019 г. нададзены статус нематэрыяльнай культурнай каштоўнасці Рэспублікі Беларусь.

Фальклорны ансамбль “Блізнянка” Сільніцкага СДК (кір. Аўласенка В.) прапанаваў урывак абрадавай дзеі свята народнага календара Юр’е.

Бясспрэчнымі пераможцамі турніру танцаў сталі Палякоў Станіслаў і Прызба Ксенія з Віцебскага раёна, другое месца падзялілі дзве пары: Парфененка Дар’я, Кірпічонак Арцём з в. Азіна і Стараннік Таццяна, Ранат Хабібулін з в. Багатырская. На трэцім месцы аказаліся Мароз Алена, Худобкін Андрэй з Зялёнкі і Нахаенка Аляксей, Дыкленка Карына з Віцебскага раёна. Спецыяльным прызам адзначана самая юная пара ўдзельнікаў: Крымоўскі Сяргей і Ігнацьева Аліна з аг. Рудня.

Арганізатары выражаюць падзяку ўсім удзельнікам этнафеста “Жывая даўніна”: сем’ям Катаржэўскіх, Абжыгайлавых, Шульга, Люцько, Мурашка, Скараходавых, Цяцера, дынастыі Якаўлевых-Тофаравых; партнёрам і спонсарам мерапрыемства; фальклорным калектывам “Варган”, “Княжыч”, “Жывая спадчына”, творчым калектывам сельскіх клубных устаноў і ўсім, хто аказваў падтрымку і дапамогу падчас падрыхтоўкі і правядзення этнафэсту.

Полацкі раён запрашае на этнафест

24 лістапада ў 12.00 Полацкі раённы Цэнтр культуры (вул. Свярдлова, 18а) запрашае на раённы этнафэст “Жывая даўніна” ў рамках Года малой радзімы.

Падчас правядзення этнафэсту “Жывая даўніна” адбудуцца:

1.            Выніковае мерапрыемства праекта ”Цікавае падарожжа Надзейкі. Малая радзіма пачынаецца з сям’і” з выставай-дэгустацыяй аўтэнтычнай кухні “Дзіўны смак сямейных страў”.

У 2018 годзе ДУК “Полацкі раённы Цэнтр культуры” паспяхова рэалізоўваў праект па адраджэнні аўтэнтычнай кухні нашага рэгіёну “Смачнае падарожжа Надзейкі”. Было здзейснена 8 паездак, адноўлены 14 рэдкіх рэцэптаў, зняты відэасюжэты разам з ТК “Скіф-Полацк” і выдадзены зборнік з кулінарнымі нататкамі паводле прыгод гарадской дзяўчыны. Праект быў адзначаны дыпломам ІІ Рэспубліканскага конкурсу даследчых работ пад дэвізам “Адвечнае”, дыпломам ІІ ступені ў намінацыі “Тэматычная праграма” Рэспубліканскага адкрытага конкурсу аматарскіх фільмаў імя Ю.Тарыча “Я снимаю кино“, дыпломам конкурсу аматарскіх турыстычных фільмаў “Путешествуем по Синеокой” у намінацыі “За захаванне народных традыцый”. Прэзентацыйная пляцоўка праекта з дэгустацыяй страў працавала на Рэспубліканскім свяце “Купалле” на малой радзіме беларускага прэзідэнта ў аг. Александрыя. У 2019 годзе праект набыў новае гучанне. Гарадская дзяўчына Надзея працягвае вандраваць па Полацкім раёне. Але не толькі з мэтай збору мясцовых аўтэнтычных рэцэптаў. Разынкай другога сезону стаў упор на сямейныя каштоўнасці і традыцыі. Таму і назва саміх вандровак істотна змянілася – цяпер гэта цыклічны праект “Малая радзіма пачынаецца з сям’і” ў рамках праекта “Цікавае падарожжа Надзейкі”.

У праекце прынялі ўдзел 8 сем’яў з розных куточкаў Полаччыны. Падрабязнасці вандровак можна ўбачыць у відэасюжэтах і фотасправаздачах у тэматычных групах “Цікавае падарожжа Надзейкі” ў сацыяльных сетках “Вконтакте” і “Одноклассники”:

https://vk.com/public161328198

https://ok.ru/smachnaepa

А таксама ў Інтэрнэт-блогу “З народнай скарбонкі Полаччыны”:

https://z-narodnai-skarbonki-polatciny2018.blogspot.com/

Праект атрымаў актыўную падтрымку сродкаў масавай інфармацыі. Прыгодам гарадской дзяўчыны быў прысвечаны відэасюжэт тэлепраграмы “Полацк. Дзе пачынаецца краіна” ТРК “Віцебск”; чытачы рэгулярна даведваліся пра актуальныя навіны праекта са старонак газет “Полацкі веснік”, “Віцебскія весткі”, “Віцьбічы”, “Сельская газета”.

У рамках этнафэсту пройдзе ўшанаванне сямей, прыняўшых удзел у праекце “Цікавае падарожжа Надзейкі. Малая радзіма пачынаецца з сям’і”, а таксама прэзентацыя новага зборніка. Для ўдзелу запрашаюцца 8 сямей з Экіманскага, Фарынаўскага, Ветрынскага, Палатоўскага, Баравухскага, Зялёнкаўскага, Саланіцкага, Гаранскага сельсаветаў.

2.            Адкрыты турнір народных побытавых танцаў “Танцуем па-даўнейшаму” з удзелам танцавальных пар сельскіх клубных устаноў.

3.            Майстар-клас “Па сцяжынках спадчыны” ад народнага фальклорнага ансамбля “Галасы спадчыны” Багатырскага СДК з дэманстрацыяй спеўнай традыцыі выканання жніўных і купальскіх песень “у перахлёст”.

4.            Фольк-вандроўка ”Свет нашых продкаў” з удзелам фальклорных калектываў і выканаўцаў Полацкага, Віцебскага раёнаў, гарадоў Полацк і Наваполацк.

5.            Арт-пляцоўка “Полацкая Гранд-батлейка”.

Чакаем усіх аматараў беларускай традыцыйнай культуры!

Уваход вольны!

Заманчивая "Невида" и невиданная "Заманиха" встретились на "Музыкальном ринге"

Народный ансамбль народной песни "Заманиха" под руководством Сергея Смулько и народный ансамбль белорусской песни "Невида" (руководитель Анна Кравченко) наконец-то воплотили свои творческие мечты и встретились на одной сцене. В Полоцком районном Центре культуры при полном аншлаге состоялся "Музыкальный ринг" с участием двух любимейших полоцким зрителем коллективов. 

"Музыкальный ринг" – арт-площадка для экспозиции талантливых, ярких, одарённых вокалистов и музыкантов! Размеры ринга – не ограничены, разве можно ограничить творчество? Роль ограждений выполнили лишь аплодисменты зрителей. А обязанности рефери ведущие Надежда Зайцева и Алексей Скрипко поделили пополам.

В музыкальном "многоборье" не обошлось без оригинальных раундов в лучших традициях спортивного ринга. В качестве приветственного рукопожатия участники обменялись стихами и частушками. Для разогрева исполнили песни-визитки, рассказывающие об истории их названий. Затем участники "посоревновались" в исполнении авторских, народных песен, шлягеров, и даже произведений "а-капелла" .Солистам тоже представилась возможность проявить себя в полной мере.

Зал воспринимал каждый номер артистов на ура и не жалел оваций. И каждому зрителю с самых первых аккордов было ясно, что ни в одном из раундов не может быть ни победителей, ни проигравших, потому что оба ансамбля долгие годы самоотверженно служат народному творчеству и отдают песенному искусству душу и сердце без остатка!

Приглашаем на концерт "Невиды" и "Заманихи"

24 октября в 18.00

приглашаем в ГУК «Полоцкий районный Центр культуры» (ул. Свердлова, 18а) всех любителей народной песни и живого звука на «Музыкальный ринг» с участием народного ансамбля народной песни «Заманиха» Полоцкого РЦК (руководитель Сергей Смулько) и народного ансамбля белорусской песни «Невида» Фариновского ЦКиД (руководитель Анна Кравченко).
Коллективы связывают давние творческие и дружеские отношения, поэтому на концерте ожидается самая тёплая атмосфера! «Невида» радует зрителей исполнением белорусской песни уже более 25 лет, а «Заманиха» в следующем году отметить 20-летний юбилей своей творческой деятельности.
Ансамбли широко известны на Полоцкой земле: побывали практически во всех трудовых коллективах Полоцка и Новополоцка с поздравительными концертами, объездили малые и большие деревни Полоцкого района. Кроме того, «Невида» и «Заманиха» регулярно выступают на концертных площадках международного фестиваля искусств «Славянский базар в Витебске», областного фестиваля-ярмарки работников села «Дажынкі», праздничных мероприятиях, приуроченных к Дням городов Полоцка и Новополоцка.
В исполнении ансамблей прозвучат как уже полюбившиеся зрителям произведения, так и новые композиции, народные песни в авторской обработке, произведения современных авторов, оригинальные попурри из ретро-шлягеров, заводные и лирические мелодии – песни на любой вкус!!!
А также зрителей ждёт масса сюрпризов!
Не пропустите море позитива от невиданной «Заманихи» и заманчивой «Невиды»!